Queremos, e pedimos, que cada municipio da nosa comunidade sexa declarado contrario ás corridas de touros, e amigo dos animais, como xa sucedeu en máis de 50 municipios de todo o país.
Cremos, e afirmamos, que no século XXI non se poden seguir practicando tales actos de crueldade cara aos animais. Cremos, e afirmamos, que as novas xeracións necesitan unha educación baseada no respecto á natureza e ao resto de seres vivos cos que compartimos o Planeta.
Reclamamos, e reivindicamos, que desde a nosa comunidade e os seus municipios non se sigan subvencionando, con diñeiro público, os festexos onde se maltraten animais, coma se os nosos municipios non tivesen urxencias que cubrir con devanditos fondos, cando ademais, e segundo unha enquisa realizada pola Consultora Gallup, apenas o 3% dos galegos declárase afeccionado a esta actividade, polo que estas subvencións, ademais de anti-éticas, deberían considerarse anti-representativas.
Sentimos, e pensamos, que os animais non deben ser tratados como simples cousas. Sentimos que non deberían vulnerarse os dereitos básicos dos animais, que son a vida e a liberdade, en pos dun espectáculo para o simple divertimento dalgunhas persoas.
Propomos, e alentamos, a todos os galegos a implicarse nesta campaña pacífica para abolir a tauromaquia na nosa terra, para que Galicia poida enorgullecerse de ser unha comunidade compasiva, evolutiva, progresista, porque pensamos que Galicia será Mellor Sen Touradas.
